Island Constructor ut av opplag

Det permitterte mannskapet på 90 personar på brønnintervensjonsfartyet "Island Constructor" blir kalla attende på arbeid når skipet skal i oppdrag for Norske Shell på Draugenfeltet i vår og sommar.
Island Constructor har ligge i såkalla varmt opplag i vinter. Det betyr at skipet har hatt ei lita bemanning, for å kunne ta nye oppdrag på kort varsel.

No er skipet leigd ut til fleire brønninternvensjon- og vedlikehalsdsoppdrag, der det siste oppdraget varer ut i september.

Segla i spot

Ankerhandteringsfaryet "Island Valiant" har segla i spotmarknaden i vinter, og har fått eit oppdrag på rundt to veker for å førebu arbeidet Island Constructor skal gjere.
Totalt har desse kontraktene ein verdi på omlag NOK 100 millionar for Island Offshore, skriv selskapet i ei pressemelding.
- Dette er kjærkome arbeid etter ein tøff vinter der brønnintervensjonsbåtane våre har vore i vinteropplag. Det er svært gledeleg å sjå folka våre og båtane mobilisere og kome seg i arbeid igjen når sesongen no tek til, seier Håvard Ulstein, administrerande direktør i Island Offshore i pressemeldinga.

Attende i arbeid

1. april tok også dei to andre brønnintervensjonsfartya til Island Offshore, Island Wellserver og Island Frontier, til med arbeidet i sine faste kontrakter.
Desse to fartøya har kontrakt med Statoil på 200 dagar fast per år fram til 2020.