Kamp om kaiplassen i rettssalen

Neste veke skal Møre og Romsdal tingrett ta stilling til striden når selskapet Strandgaten Brygge og eigarane av Ålesundregionen Havnevesen - Sula, Giske og Ålesund kommunar møtes i rettsalen.

Eigedomselskapet Strandgaten Brygge eig mellom anna Waterfront Hotel og vil ha ein dom som begrensar kor mykje av plassen vest for cruisekaia Prestebryggen hamnevesenet kan bruke.

Strandgaten Brygge vil at cruiseskipa ikkje skal stikke ut vest for Prestebrygga.

«Vegg foran hotellet»
I dag er cruiseskipa ei plage for hotellet og plasseringa er i strid med gjeldande avtalar, ifølgje sluttinnlegget frå Strandgaten Brygge sin advokat, Andreas Stang Lund i Kvale Advokatfirma.

Sluttinnlegg er ei partane si korte oppsummering til domstolen om kva saka gjeld, før rettsaka startar.

«Skipene blir liggende som en vegg foran hotellet og medfører blant annet av SGB (Strandgaten Brygge, reg. merk) ikke kan bruke den regulerte småbåthavnen på egen eiendom», heiter det i sluttinnlegget.

I strid med avtale
Stang Lund argumenterer óg med at Ålesund Havnevesen ikkje har rett til å fortøye med såkalla overheng - at skip stikk lenger ut enn sjølve kaia dei er fortøyd ved.

Ein avtale frå 2009 gav havnevesenet rett til å sette opp pullertar på Strandgaten Brygge sin eigedom til å fortøye skip i, men ikkje til at deler av sjølve skipa skulle ligge framfor Strandgaten Brygge sin eigedom.

«Intensjonen med erklæringen av 2. desember 2009 var at de to fortøyningspunktene skulle gi ÅRH (Ålesundregionens Havnevesen, red. merk) mulighet til å utnytte egne kaifront (Prestebryggen) fullt ut. For å gjøre dette måtte ÅRH ha fortøyningspunkter lenger vest. ÅRHs fortøyningspraksisinnebærer at SGBs sjø-, strand- og tilflottrett i realiteten blir innholdsløs», skriv Strandgaten Brygge sin advokat.

Avviser kravet
Det er eigarane av Ålesundregionen Havnevesen - Sula, Giske og Ålesund kommune - som er saksøkt av Strandgaten Brygge.

Dei er representert av Nils Grytten i Advokatfirmaet Øverbø Gjørtz, som avviser kravet i sitt sluttinnlegg:

«Dagens bruk av Prestebrygga, hvor skip tidvis og ved behov fortøyes med overheng mot tilstøtende sjøareal, er et utslag av den alminnleige havneaktivitet som ÅRH har utført over lang tid. Kaiområdet og det tilstøtende sjøområdet benyttes til sitt regulerte formål. SGB var fullt på det rene med bruken av kaiområdet, herunder fortøyningspraksis av større ski, sa de valgte å erverve og senere bebygge den aktuelle tomta. Utviklingen av havneaktiviteten i området, med ytterligere vekstplaner, var også allment kjent», skriv han.

Det er eigedomsselsskapet som sjølv har sett seg i den situasjonen det no klagar på, ifølgje Grytten.

«Eventuelle begrensninger som SGB anfører å oppleve i sin «strandrett» er en konsekvens av at SGB valgte å bygge et hotell mot et område regulert av havneaktivitet», heiter det i sluttinnlegget.

Grytten skriv óg at eigedomsselskapet har tilgang til småbåthamna si.

Tre dagar i retten
Strandgaten Brygge er indirekte eigd av av søskena Nils Eirik og Lene Wenaas sitt selskap Wenaas Eftf, som mellom anna også er ein stor eigedomsinvestor på Digernesskiftet.

Styreleiar Nils Erik Wenaas møter som partsrepresentant for Strandgaten Brygge. Hamnefogd Ole Christina Fiskaa skal gi partsforklaring på for dei salsøkte.

På vitnelista står også tidlegare hamefogd Birger Flem, hamnekaptein Kristoffer Longva Åsheim, tidlegare hamnekaptein Svein Kåre Aune, hotelldirektør Aina Aalen Bjerkvik, økonomiansvarleg Britt Tøsse Aandal i Wenaas Eftf og prosjektleiar for eigedomsutvikling i Wenaas Eftf, Erland Reite.

Det er sett av tre dagar til saka i tingretten.