Kibsgaard-Petersen går av i Schlumberger

Ålesundaren Paal Kibsgaard går av som konsernsjef og styreleiar i oljeservicegiganten Schlumberger, melder selskapet fredag.
Kibsgaard-Petersen overtok som toppsjef i Schlumberger i august 2011, og vert rekna som ein av verdas mektigaste industrileiarar.
har blitt utnemnd til ny konsernsjef med virkning frå 1. august.

Navigert gjennom nedgangen

Kibsgaard har jobba meir enn 22 år i Schlumberger og har vore konsernsjef i åtte år. Dei siste fire åra har han også vore styreleiar.
I pressemeldinga vert det lagt vekt på at Pål Kibsgaard-Petersen har navigert selskapet gjennom den verste nedgangen i bransjens historie og sett konsernet på rett kurs for å vinne i eit nytt landskap.
- Styret skuldar Pål stor takknemligheit for sitt gode leiarskap innan modernisering og omforming av selskapet for å sikre fortsatt suksess i framtida.
Schlumberger har over 100.000 tilsette fordelt på 120 land.

Har passert ein milliard

I tillegg til å leie verdas største oljeservicseselskap, har Kibsgaard-Petersen også vore blant dei bste betalte industrileiarane.
Berre i fjor fekk han 140 millionar kroner i samla kompensasjon, har opplyst.
Dette betyr at han samla har tent over ein milliard kroner - eller rundt 1026 millionar - sidan han vart konsernsjef i 2011.
Schlumberger la også frem tal for andre kvartal 2019 fredag. Driftsinntektene var samla på 8,3 milliardar dollar i kvartalet, noko som var litt betre enn analytikarane forventa.
Schlumberger har hovedkontor i Houston, Paris og den Haag, medan Kibsgaard-Petersen og familien bur i Paris.