![Stig Brautaset Ole Magnus Orlien foto Ogne](/imager/images/1933372/Stig-Brautaset-Ole-Magnus-Orlien-foto-Ogne_859d8f71e51cdcc79197ecd3648d156c.webp)
Kjapp vekst for kapitalforvaltning
I løpet av kort tid får Ole-Magnus Orlien 10 nye kollegaer, med milliardkundar. Tek over eit heilt lag frå Danske Bank.
Ole-Magnus Orlien er leiar for formuesforvaltningsatsinga til Sparebank1 SMN. Det er ein jobb han hadde i Sparebank 1 Søre Sunnmøre, og som han fekk konsernansvaret for då Sparebank 1 Søre Sunnmøre blei ein del av Sparebank 1 SMN i vår.
No forvaltar Orlien og kollegane formuer frå velståande kundar for tilsaman seks-sju milliardar kroner.
Målet er å fleirdoble beløpet i løpet av kort tid, seier Orlien.
Melder overrgang
No har ein stor del av laget som arbeider med formuesforvaltning i Danske Bank, 10 personar, meldt overgang til Sparebank 1 SMN, og blir ein del av eit lag på i alt 30 personar - seks av dei med kontorstad på Sunnmøre. Ytterlegare to-tre tilsettingar er i vente på Sunnmøre, i følgje Sparebank 1 SMN.
Ifølgje Orlien har Danske Bank sjølv anslått at Danske Bank forvalta formuer for omlag 45 milliardar kroner.
Fleire av kundane reknar Orlien med blir Sparebank 1 SMN-kundar.
- Dette er ein relasjonsbransje, seier Orlien.
Passerte milliarden
I 2020 fekk Ole Magnus Orlien ansvaret Sparebank1 Søre Sunnmøre si satsing på formuesforvaltningsrådgiving, med mål om å ha kundar med ein milliard kroner plassert innan 2024. Det målet vart nådd allereie i 2021.
- Dette er ein enorm marknad med eit enormt potensiale, sa Orlien til NETT NO i 2022.
Det er mellom anna pengar frigjort frå sal av private bedrifter som gitt denne marknaden ein sterkt vekst.
Som ein del av Sparebank 1 SMN og med dei tidlegare Danske Bank-tilsette blir tilbodet til kundane med store formuer utvida frå rein kapitalforvaltning til mellom anna juridisk rådgivning.
Publisert: 10.08.2023 15:40
Sist oppdatert: 10.08.2023 15:53