Leiargruppa klar etter bankfusjon

Før Sparebank1 SMN og Sparebank1 Søre Sunnmøre vedtok å slå seg saman var det klart at Sparebank1 Søre Sunnmøre-sjef Stig Brautaset skulle inn i konsernleiinga.

No er også resten av leiargruppa kvar.

Samanslåinga inneber at Sparebank1 Søre Sunnmøre blir innlemma i Sparebank1 SMN.

Sparebank1 SMN har allereie kontor i Ålesund. No blir verksemda på Sunnmøre og i Sogn og Fjordane organisert i ein divisjon, der leiargruppa får kontor dels i Ålesund og dels i Volda.

Leiaransvaret for privatmarknaden blir delt i to regionar. Jan Rune Hurlen og Sigrun Heltne Vartdal blir begge leiarar for næringsliv. Hurlen er leiar for Sparebank1 SMN sine næringslivsengasjement på Sunnmøre i dag, Heltne for næringslivsmarknaden i Sparebank1 Søre Sunnmøre.

Her er leiargruppa i divisjonen:

• Stig Brautaset, konserndirektør
• Olaf Eskeland, leiar for strategi- og verksemdsutvikling
• Kari Melle, leiar for marknad og fellesfunksjonar
• Marita Løvik Stadsnes, leiar for privatmarknad region nord
• Andre Skotheim, leiar for privatmarknad region sør
• Jan Rune Hurlen, leiar for næringsliv
• Sigrun Heltne Vartdal, leiar for næringsliv
• Ole-Magnus Orlien, leiar for kapitalrådgjeving

Målet er at den formelle samanslåinga av dei to bankane skal skje 2. mai i år.