«Klart største prosjektet» til Green Yard Kleven på fleire år

Svært gledeleg at arbeidet med skipet er tildelt eit lokalt verft, Green Yard Kleven, skriv Marin Teknikk i ei pressemelding.

– Oppdraget er det klart største prosjektet vi har hatt dei seinare år, og har stor betydning for oss, sier Green Yard Kleven-sjef Hans Jørgen Fedog til NETT NO.

Dette er den største kontrakten i retrofit-segmentet som til no er inngått i Green Yard Kleven. Green Yard Kleven har for tiden også to andre ombyggingsprosjekt gåande i samarbeid med Marin Teknikk, heiter det i ei pressemelding frå Green Yard Kleven.

Gir arbeid til langt ut i 2024
Kontrakten gir arbeid for verftet frå no til langt ut i neste år.

– Vi har kring 70 tilsette i arbeid i dag, og er alltid på søken etter flinke folk. Ein slik horisont gir optimisme og gjer at vi treng fleire tilsette, fortel Fedog vidare.

Green Yard Kleven kjøpte anlegget i Ulsteinvik etter konkursen i Kleven Verft i 2020.

Tilset folk
For skipsdesignselskapet Marin Teknikk i Herøy, betyr avtalen med det japanske telecomselskapet NTTWEM at selskapet treng fleire tilsette, og dei er allereie i gang med rekrutteringa.

Marin Teknikk har hatt kontakt med NTTWEM i 25 år. Dette er den første kontrakten med selskapet.

«For Marin Teknikk er denne kontrakten ilag med flere andre prosjekt med på å sikre økt aktivitet. Dette betyr også at vi er i ferd med å ansette flere nye medarbeidere både i Norge og ved våre kontorer i Polen», heiter det i pressemeldinga.

Arbeidet med å utvikle fartøyet starta etter at NTTWEM tok kontakt med Marin Teknikk i slutten av 2022.