Korona kutta sesongen i begge endar

Innvik Fjordhotell Misjonsheimen, som er det fulle namnet til selskapet som driv Innvik Fjordhotell i Stryn, har vinterstengt i januar og februar.

Bortsett frå ein kort periode i mars opna hotellet først ut langt ut på vårparten i fjor, og stengte igjen tidleg i november.

I mellomtida hadde selskapet hatt ein julimånad med rekordbesøk og ein god august. Men koronapandemien kutta sesongen i begge endar og med få utanlandske besøkande i tillegg vart det eit markert fall i driftsinntektene og eit lite underskot i fjor (sjå tabell under).

Fjordhotellet har tradisjonelt basert seg på utanlandske bussturistar som bur på hotellet ei natt, før dei dreg vidare og på arrangement tidleg og seint i sesongen.

I fjor sommar var prega av nordmenn og eit mindre antall individuelt reisande frå utlandet. Det var fleire familiar og fleire gjestar som budde to-tre netter på hotellet.

Selskapet har seks misjonsforeiningar som eigarar, med Normisjon region Sogn og Fjordane som den største, med 25,97 prosent av aksjane. Dei fem andre eigarane er alle Normisjon-foreiningar i bygder i Stryn.