Kursfall i Hexagon Purus-emisjon

Aksjekursen ved kapitalutvidinga var 24,25 kroner per aksje, som verdset Hexagon Purus til 6,3 milliardar kroner.

Les børsmelding her

Hexagon Composites, som var største eigar før kapitalutvidinga, gjekk inn med 440 millionar kroner og opprettheld sin eigarandel på 73,3 prosent.

Knut Flakk og familien er nest største eigar i Hexagon Composites.

Klokka 09:11 i dag er kursen opp 4,3 prosent samanlikna med sluttkurs i går, til 25,90 kroner per aksje.

Hexagon Composites lagar tankar og system for bruk av natur- og biogass som energikjelde. Hexagon Purus lagar tilsvarande for hydrogen, i tillegg batteripakkar. Hexagon Purus blei skilt ut frå Hexagon Composites i 2020, og deretter børsnotert.

Pengane frå kapitalutvidinga skal gå til marknadsarbeid, ny batterifabrikk i Canada, utvida produksjonskapasitet i Kina og fleire tilsette.

Opp- og nedtur på børs
Før Hexagon Purus blei børsnotert i desember 2020 henta selskapet inn 750 millionar kroner i ny eigenkapital, til kurs 27,30 kroner per aksje. Det verdsette selskapet til 5,5 milliardar kroner.

Første dag på børs steig kursen til 40 kroner per aksje.

18,8 milliardar
8. januar 2021 nådde kursen 82,10 kroner per aksje, som verdsette selskapet til 18,8 milliardar kroner.

Etterpå har det gått nedover med aksjekursen fram til slutten av januar i år, då kursen var kursen nede i 15 kroner aksjen.

Meldingar om sluttforhandlingar og intensjonsavtalar for inntil 19 milliardar kroner gav kursen eit løft. Då børsen stengte i går var kursen 24,845 kroner per aksje - 0,595 kroner over emisjonskursen.