Børsdagen: Kursras for Hexagon-selskap

Hexagon Compositets og Hexagon Pursus blei høvesvis nest største og tredje største tapar på Oslo Børs i dag, på ein dag der hovudindeksen steig 1,42 prosent.

Natt til i dag melde Hexagon Purus at ein potensiell avtale om å levere batteripakkar for 10 milliardar kroner ikkje blir noko av.

Reaksjonen i det aksjehandelen på Oslo Børs opna i dag var eit kursfall på over 20 prosent. Så ille blei det ikkje til slutt, men Hexagon Purus er no verdsett til 8,1 milliardar kroner - ein milliard mindre enn for eitt døgn sidan.

Sidan Hexagon Composites eig 73,29 prosent av aksjane i Hexagon Composites fall kursen kraftig også for Hexagon Composites.

Hexagon Composites sin aksjepost i Hexagon Pures er no verdsett til 5,9 milliardar kroner på børsen. Hexagon Composites er verdsett til 6,4 milliardar. Det betyr at aksjeposten i Hexagon Purus utgjer storparten av verdien av Hexagon Composites.

Hexagon Composites lagar tankar og -sytem for bruk av naturgass som drivstoff og energikjelde, Hexagon Purus gjer det tilsvarande for hydrogen.

Hexagon Composites er etablert og går i pluss. Hexagon Purus er framleis eit selskap i ein tidleg fase, med små inntekter og minusresultat, men på børsen er det det selskapet som er mest verdt av dei to.

I den motsette enden av skalaen er offshoreiarlaget Havila Shipping, som la fram 1. kvartalsrapport i dag. Den viste auka driftsinntekter og eit sterkt krympa underskot samanlikna med 1. kvartal i fjor.