Løft frå Salmon Evolution-kontrakt

Det er oppdrag med bygging av andre byggesteg hos Salmon Evolution sitt landbaserte oppdrettsanlegg i Indre Harøy i Romsdal som løftar inntektene og lønsemda til forretningsområdet akvakultur i industri og ingeniørselskapet Endúr i tredje kvartal (sjå tabell under).

Medan Endúr er optimistisk på lang sikt når det gjeld oppdrettsmarknaden, er det vanskeleg å spå korleis marknaden blir på kort sikt, ifølgje kvartalsrapporten for tredje kvartal. 

Salmon Evolution-oppdraget blir utført av Artec Aqua, som er spesialistar på å designe og prosjektere landsbaserte oppdrettsanlegg. 

Ålesund-selskapet er det største selskapet i forretningsområdet akvakultur i Endúr. Artec Aqua-grunnleggarane er også største eigarar i Endúr, gjennom selskapet Artec Holding.

Infrastrukturvekst
Før grunnrenteskatten på oppdrett i sjø vart varsla, var Artec Aqua det største selskapet i Endúr-konsernet målt i driftsinntekt.

I dag har ein kombinasjon av eigen vekst og oppkjøp gjort forretningsområdet infrastruktur til det største. Det sto for 1,5 milliardar kroner i driftsinntekt i tredje kvartal i år.