Laaang kø for butikkopning

Fleire hundre personar møtte opp då Amfi i Ulsteinvik opna ny Normal-butikk ved kjøpesenteret torsdag.

– Dette var veldig artig, seier senterleiar Helene Holstad til Nett No medan ho fotograferte køen som strekte seg gjennom fellesarealet og ut døra på senteret.

Større ombygging
Olav Thon Gruppen overtok Amfi-senteret ved inngangen til 2023 frå lokale eigarar i Ulstein-familien.

No er senteret midt i ei større ombygging der heile første etasje – forutan Kiwi-butikken – skal «bli ny». Også daglegvarebutikken har planar om fornying.

– No skal vi halde fram å pusse opp fellesareala i første etasje, også ligg det an til fleire nye leigetakarar snart, fortel Holstad.

Vekstvinnar i fjor
Amfi-senteret auka omsetninga desidert mest av dei fire Thon-eigde kjøpesentera på Nordvestlandet i fjor.

Det blei selt varer og tenester på senteret for 343 millionar kroner i fjor, som er ei auke på meir enn 16 prosent. Med dagens nyopning ligg senteret an til ny vekst i år.