Børsdagen: Langvarig nedtur for Norva24

19. januar i år vart Norva 24-aksjane handla til 36 kroner. Berre ein kort periode sommaren 2022 har kursen vore høgare.

I slutten av august var selskapet verdsett til 21 kroner aksjen, som er den lågaste kursen selskapet har hatt. Måndag gjekk kursen opp 1,3 prosent, til 22,85 kroner aksjen, som verdset selskapet til 4,2 milliardar kroner. Det er likevel eit verdifall på 37 prosent samanlikna med toppen i vinter.

Konsernet si hovudverksemd er vedlikehald av infrastruktur nede i bakken, som vass- og avløpsanlegg.

Børsnoteringa på Stockholm-børsen i 2021 gjorde verdiane til grunnleggarane Arild Bødal og Sandbakk-familien i Stryn og Birkeland-familien i Hordaland meir synlege.

Gjennom selskapet Invest24 - der dei eig ein tredjepart kvar - eig dei 6,58 prosent i Norva24 og er fjerde største aksjonær. I tillegg eig Birkeland-familien 1,61 prosent gjennom eit eige selskap, Sandbakk-familien 1,21 prosent og Arild Bødal ein prosent.