Liten auke, etter rekordår

Inntektene til Ford- og Nissan-forhandlaren i Ørsta svinga mellom 60 og 70 millionar kroner i fem år på rad, fram til 2021. 

Då auka inntektene til over 90 millionar og har halde seg der sidan. 2024 vart eit nytt rekordår, målt i inntekt, sjølv om inntektsveksten frå 2023 var beskjeden (sjå tabell under).

Lønsemda vart ikkje like god som året før. Resultat før skatt tilsvarar 2,5 prosent av driftsinntektene, ned frå 5,1 prosent i 2023. 2,5 prosent er eit nivå som vert rekna som akseptabelt i bransjen.

Til samanlikning var Ørsta Bil blant dei mest lønsame bilforhandlarane på Nordvestlandet i 2023. 

Då hadde forhandlarane på Nordvestlandet i snitt eit resultat før skatt på 0,2 prosent av driftsinntektene. 2023 er førebels siste år med tilgjengelege rekneskapstal for heile bransjen. 

Oppsving i år
– Det ser bedre ut  år, seier dagleg leiar og medeigar Kjell Krumsvik om utsiktene for 2025.

I første kvartal i år var både inntektene og lønsemda høgare enn i 2024, ifølgje Krumsvik - og det ventar han blir tilfelle for heile 2025.

Økt bilsalg i år
I månadane januar-april i år har nybilsalet auka med 28 prosent på landsbasis samanlikna med same periode i fjor. 

Det kjem fram i salsstatistikken til Opplysningsrådet for Veitrafikken.

Etter årets to første månadar i år låg vekten i nybilsalet på Sunnmøre over veksten på landsbasis. I 2024 var det omvendt.