Lovar pluss i Hofseth Biocare

Ut frå kursutviklinga ser det ut til av investorane i aksjemarknaden deler optimismen til administrerande direktør Ødegård i Hofseth Biocare ASA. Frå 3,10 kroner pr. aksje 11 oktober steig kursen til 4,88 kroner 13. november 2013.
Etter at selskapet sende ut ei ny optimistisk børsmelding på årets siste handledag på Oslo Børs, 30. desember, baud kjøparen 4,56 kroner pr. aksje. Meldinga handla om at det er mogleg å doble produksjonen ved hovudfabrikken i Midsund. .
Berre tre gongar tidlegare sidan børsnoteringa i desember 2011, har kursen vore på høgare nivå. Det er likevel eit stykke unna utgangspunktet, fem kroner pr. aksje, som var kursen selskapet henta inn 28,5 millionar kroner i ny eigenkapital til før børsnotering.

Satsa millionar

- Dette er eit typisk FOU-prosjekt (Forsking og utvikling, red. merk), seier Ødegård.
Det er spesielt produksjonen ved fabrikken i Midsund, der bedrifta vinn ut fiskeolje, protein og kalsium frå fiskeavskjer, som har vore krevjande å få til.
- Vi har brukt mange millionar på å få opp ein stabil produksjon, seier Ødegård.
I følgje Ødegård er Hofseth Biocare i ferd med å få gjennomslag for produkt i marknaden, samstundes som produksjonen er stabil nok til å kunne gi sikre leveransar.
- No ser vi at vi kan få det til, seier han.

Overtok anlegg

I Midsund blir olje, kalsium og protein skilt ut frå fiskeavskjer. Det skjer gjennom hydrolyse, ein kjemisk prosess som kombinerer varme og enzym.
Produksjonen i Midsund vart opphavleg .
Amerikanarane kom aldri i mål. Satsinga i Midsund enda i konkurs, og og gjorde ferdig fabrikken.
På Berkåk overtok Hofseth Biocare eit komplett spraytørkeanlegg frå meierikonsernet Tine i 2012. Her blir proteinoppløysinga frå Midsund tørka til proteinpulver.

Stor optimisme før børs

Optimismen var stor før Hofseth Biocare blei eit børsnotert selskap.
Til Dagens Næringsliv i 2011 antyda dåverande admininstrerande direktør i selskapet, Sjur Jenssen, at
Så fort har det ikkje gått (sjå faktaramme).

Enkel konkurrent

Det er fleire selskap som konkurrerer om å lukkast med å lage produkt frå fiskeavskjer til menneskeleg konsum, og lokkar med positiv helseeffekt frå Omega 3.
Men desse selskapa har og ein veletablert konkurrent med ein enkel teknologi; ein porsjon feit fisk eller to i løpet av veka - eller ei brødskive med makrell i tomat kvar dag.
Det stemmer nok, vedgår Ødegård utan å nøle. Men han meiner det likevel er rom for Hofseth Biocare sine produkt, mellom anna fordi store marknadar manglar tilgang til slik fisk, og fordi mange forbrukarar ikkje kan, eller vil lage til slik mat.