Maritim heiderspris til NTNU-professor

NTNU-professor Hans Petter Hildre blei onsdag tildelt årets heiderspris under den maritime klyngekonferansen i Ålesund. 

Hildre fekk prisen for sitt årelange engasjement for å få «forsking, utdanning og næringsliv til å gå hand i hand», sa prisutdelar Njål Sævik. 

– Prisvinnaren har i sitt engasjement vore avgjerande for å skape møteplassar der akademia og industrien kan finne løysingar saman, sa Sævik. 

 Prisen delast ut årleg til ein person som har gjort ein ekstraordinær innsats for å fremme samarbeid og utvikling i den maritime klynga. 

• Fleire saker frå klyngekonferansen under 

– Har vore ei fantastisk reise
– Det har vore ei fantastisk reise dei siste åtte åra, sidan Ålesund blei universitetsby og del av NTNU, sa Hildre då han takka for prisen.

– Eg er kjempestolt av kva vi har fått til på Campus Ålesund, la han til. 

– Vi har hatt ein filosofi frå første dag om å vere tett på næringslivet og arbeidslivet, og alle våre bachelor-oppgåver skal vere for ei bedrift, og det same med alle masteroppgåvene våre, fortalde Hildre. 

Den maritime klynge avgjerande
Under konferansen blei også årets innovasjonspris delt ut. Den gjekk til Dipai som også har tilknyting til NTNU i Ålesund.

Selskapet sprang ut av doktorgradsmiljøet ved NTNU og har på kort tid blitt leiande i bruk av dataanalyse og kunstig intelligens i den maritime bransjen. 

Les meir om vinnarane her: Har fått nær 200 skip i porteføljen

Dipai-sjef André Listou Ellefsen understreka at den maritime klynga har vore avgjerande for utviklinga deira. Koplingane i miljøet har både lært dei «å lage butikk» av ideen deira, og gitt dei hjelp til å kommersialisere den, fortalde han. 

Kongsberg Maritime, Metizoft og Vard var dei andre nominerte til prisen. 

Meir frå klyngekonferansen: