Merkar byggebremsen

Vartdal Plast-konsernet auka inntektene frå 819 millioner kroner i 2019 til 1419 millionar kroner i 2022, men i fjor vart inntektene litt redusert.

Selskapet lagar byggisolasjon og næringsmiddelemballasje, mellom anna fiskekasser.

Lågaste sidan 2008
Det er mindre bustadbygging som er grunnen til at inntektene vart lågare i fjor enn året før.

Då 2022-rekneskapen var klar i fjor sommar hadde selskapet allereie merka at det butta imot i byggebransjen og at det gikk ut over etterspørselen etter byggeisolasjon.

Sal og igangsetting av bustadar fall 33 prosent i 2023 og er no på sitt lågaste nivå sidan 2008, skriv Vartdal Plast i årsmeldinga for 2023.

Nedgangen marknaden for nye bustader er delvis kompensert ved auke i marknaden for byggisolasjon til næringsbygg.

Marknaden for næringsmiddelemballasje har hatt ei jamn, positiv utvikling, skriv selskapet i årsmeldinga. Tidlegare i år lanserte selskapet ei ny fiskekasse, som skal løyse avrenningsproblemet frå trailarar med fisk sørover til kontinentet.

Konsernet har seks fabrikkar; i Steigen, Bodø, på Vartdal, Biri, Ualand og Hjelmeland og produserer både fiskekasser, annan emballasje og byggisolasjon. Selskapet har også mottaksanlegg i Liadal i Ørsta for brukt materiale som skal gjenvinnast.