Mindre fiskepudding i fjor
Ny vekst for Volda Mat i år.
Ein avtale med Norgesgruppen om landsdekkande distribusjon av selskapet sin fiskepudding gjorde 2021 til eit rekordår for Volda Mat, med ein inntekstvekst på 30 prosent i høve til 2020.
Avtalen har selskapet framleis, men effekten var ikkje like stor i 2022. Det er hovudforklaringa på at driftsinntektene ikkje vart like store i fjor som året før, ifølgje dagleg leiar Hege Skurtveit.
- 2022 blei eit normalår, seier ho.
Så langt i år ligg selskapet an til vekst samanlikna med i fjor.
| Volda Mat as | ||
| Tal i mill. kroner | 2022 | 2021 |
| Driftsinntekt | 20,3 | 22,5 |
| Driftsresultat | 3,4 | 4,2 |
| Resultat før skatt | 3,3 | 4,6 |
Hege Skurtveit er tredje generasjon eigar og drivar i selskapet, som feira 80-årsjubileum i fjor.
Tidlegare heitte selskapet Volda Fiskemat, men skifta namn mellom anna på grunn av at selskapet satsar også på annan mat enn fiskemat, med potetball som det viktigaste produktet.
Publisert: 31.03.2023 05:00
Sist oppdatert: 31.03.2023 05:05