Mindre tap betrar resultatet

Tala for 1. kvartal 2021 viser ei markert betring i lønsemda til Sparebanken Sogn og Fjordane. Grunnen er at skadeverknaden av koronaepidemine har blitt langt mindre enn banker frykta i fjor vår.

I første kvartal 2020 gjorde uvissa om konsekvensen av koronaepidemien at banken skreiv ned verdien av utlåna sine med 80 millionar kroner. Banken frykta at fleire kundar vil misleghalde låna sine på grunn av at dei har mist inntekter eller løn på grunn av koronaepidemien og tiltaka mot den.

No tilbakefører banken ni millionar kroner av tapsavsetninga. "Situasjonen er framleis usikker for mange bedrifter, men det er vårt inntrykk at bedriftene i Sogn og Fjordane har klart seg relativt bra gjennom pandemien", skriv banken i kvartalsrapporten.

Banken har og verdistigning på 14 millionar kroner på verdipapir, mot minus 49 millionar kroner i 1. kvartal 2020.

Den siste 12-månadersperioden har utlån til private auka med 7,2 prosent og til næringsliv og offentleg sektor med fem prosent.