Minst åtte døde etter Ervik-forlis

Åtte av mannskapet frå Ervik-båten Argos Georgia er funnet omkome, opplyste spanske styresmakter til nyheitsbyrået AFP seint tysdag.

Det skal ha vore 27 personar om bord i fiskebåten som gjekk ned utanfor Falklandsøyane i Sør-Atlanteren måndag.

Minst 14 funne i live
Meldinga frå spanske styresmaktene i Spania viste til lokale styresmaktene på Falklandsøyane som opplyste at det var funne 14 overlevande – og at fem av mannskapet framleis var sakna.

Fleire fartøy har vore med å søke etter overlevande etter at fiskebåten melde at den var i naud måndag kveld. Ifølgje AFP var det ti spanske statsborgarar blant mannskapet.

Tidlegare tysdag blei det opplyst at båten var gått ned og at mannskapet var gått i redningsbåtar og flåtar. Det var dårleg ver og røff sjø i området då forliset skjedde.

Eigd av Stad-reiarlag
Ervik Havfiske-konsernet på Stadlandet er medeigar i selskapet som eig den 54 meter lange fiskebåten. Ervik Havfiske-sjef Robert Ervik fortalde til NRK tidlegare tysdag at det ikkje var nordmenn blant mannskapet.

Ervik Havfiske stadfestar forliset på sin Facebook-side og viser til at det framleis går føre seg ein redningsaksjon.

– Våre tankar og vårt fokus er for tida på mannskapet og pårørande, skriv Stad-reiarlaget i meldinga.

Argos Georgia er designa av Marin Teknikk i Herøy og er bygd ved Tersan-verftet i Tyrkia. Fiskebåten blei levert i 2018 og har vore drifta av selskapet Argos Frøyanes.