Ny Esa-klage mot Hurtigruten

(NPK-NTB): Klagen gjeld om selskapet tek seg dobbelt betalt for køyeplassane om bord.
Kjernen i klagen er at reiarlaget ikkje set av nok plassar til såkalla distansereisande på hurtigrutene, skriv .
Distansereisande er passasjerar som ikkje er cruiseturistar, men tek hurtigruta ei kortare strekning.

100 millionar ekstra

Etter avtalen med staten må Hurtigruten halde av 120 køyer til slike «vanlege passasjerar».
I klagen blir det påstått at reiarlaget ikkje held av nok plassar, og at køyene i staden går til cruiseturistar.I følgje klagen skal det gi selskapet mellom 50 og 100 millionar kroner i ekstra inntekter.

Ber om informasjon

– Esa har ikkje tatt stilling til innhaldet i klagen, men vi har bedt styresmaktene i Noreg om informasjon for å kunne vurdere klagen nærmare, seier presse- og informasjonsansvarleg Andreas Kjeldsberg Pihl i Esa.
Hurtigruten er kjent med klagen, men stiller seg uforståande til påstandane. Argumentasjonen er den same som i ein klage Nordland fylkeskommune leverte i fjor, men fylket seier den aktuelle klagen ikkje stammar frå dei.

Dømt i 2012

I oktober 2012 blei Noreg dømt av EFTA-domstolen for ulovleg statstøtte til Hurtigruten ASA.
Den gangen slo EFTA-domstolen fast at staten hadde gitt Hurtigruten ulovlig statsstøtte i 2008, da selskapet var i pengetrøbbel, skriv Nord24.
Dommen førte til at Hurtigruten ASA tok i 2012-reknskapet .
Staten blei dømt fordi Hurtigruten fikk attende deler av NOx-avgifta for 2007 og bidraget til NOx-fondet i 2008 og framover.
Hurtigruten fikk også ei generell gjordgjering i 2008, i tillegg til lovnad om løyve til å ta ut eitt skip av drift i vintersesongen for å spare pengar.