Ny rekord – og skal vekse vidare

Coast Seafood-konsernet hadde ei topplinje på 5595,4 millionar kroner i fjor, og eit resultat før skatt på 106,1 millionar kroner.

Men det skal ikkje stoppe der. Konsernet følgjer nøye med på mulegheiter som dukkar opp, og skal framover satse endå meir på bearbeidde produkt.

Seks dotterselskap
Coast Seafood kjøpte i 2021 alle aksjane i Sotra Fiskeindustri på Glesvær etter å ha vore medeigar i selskapet i 12 år. Selskapet har slakteri og vidareforedlsingsanlegg for laks- og ørretprodukt.

Coast Seafood eig i tillegg dotterselskapa Coast Seafood USA, Coast Invest, Måløy Seafood, Coast Corporate Services og Coast Retail.

Måløy Seafood er pelagisk mottaksanlegg, Boston-baserte Coast Seafood USA handterer operasjonane i USA og Coast Retail står for sal av bearbeidde sjømatprodukt til detaljmarknaden.

Coast Seafood eig også 34 prosent av aksjane i Blom Fiskeoppdrett, der det har vore fleire tvistar om salsavtalar mellom partane.

Vil fornye anlegga
Styret skriv i årsrapporten at selskapet skal vere ein totalleverandør av sjømatprodukt. Ein viser til at produktportefølgjen vert stadig utvida og der ein no leverer produkt av raud fisk, kvit fisk, pelagisk fisk og skaldyr.

Framover vil ein fornye og effektivisere produksjonsanlegga.

Solid økonomi
Konsernet har ein sala eigenkapital på solide 660,6 millionar kroner, og ei langsiktig gjeld på 13,4 millionar kroner, og er dermed godt posisjonert for vidare vekst.

Konsernet sysselsette 287 årsverk i fjor. I morselskapet Coast Seafood er det 46 tilsette.

Coast Seafood er eigd 100 prosent av dei to gründerane Sverre Søraa og Martin Øvrebø saman med deira familiar.

Dei tar ikkje ut utbyte for fjoråret.