Ny tilbakegang for Tonning & Stryn

Tonning Møbelfabrikk og Stryn Møbelindustri i 2013 skulle gi ei større og sterkare møbelbedrift. Det først året som eit selskap var driftsinntektene over 15 millionar kroner. I fjor var selskapet på nede på 12,1 millionar, det same nivået som Tonning Møbelfabrikk hadde åleine i 2010.
- Vi klarte ikkje å oppnå den omsetningsauken vi håpa på, seier dagleg leiar og medeigar Silje Vollan etter 2015.
2015 blei ein ny nedtur, og året enda og med eit underskot før skatt på 0,4 millionar kroner (sjå tabell).

Nytt design

Selskapet hyrte inn nye møbeldesignarar og lanserte ei rekkje nye produkt i 2014. Vollan venta då det skulle medverke til auka sal allereie i 2014.
Det slo ikkje til, og i fjor sa Vollan at ho verknaden først vil vise seg for alvor i 2016-reknskapen.

Det tok tid og ressursar å intodusere nye modellar i produksjonen i 2014, og det gjekk ut over marknadsarbeidet.

Held seg unna billegmarknaden

Tonning & Stryn konkurrerer ikkje på pris, men på kvalitet og utsjånad. Produksjonen er sterkt handverksprega og modellane i kolleksjonen omfattar mellom anna møblane til Alf Sture (1915-2000), ein av dei mest kjende norske møbeldesignarane.

Nedgang i driftsinntektene har også ført til førre tilsette, frå 14 til 12 personer.
I løpet at 2015 har selskapet kjøpt Moods of Norway sin aksjepost på 15 prosent, og sit no med aksjeposten sjølv. Dei tre andre eigarane er Norsve (Svein Nore 42,5 prosent), PV Invest (Silje Vollan og familie 42,47 prosent) og Ditlef Bringsvor (0,03 prosent).