Driftsinntektene til Christian Gaard Bygdetun på Trandal passerte 16 millionar kroner i fjor (sjå tabell).
Vertshus-, kulturarrangement og båtskyss-selskapet ved Hjørundfjorden ligg i år an eit resultat omlag som 2022, både når det gjeld inntekt og lønsemd.
– Det ser forholdsvis greit ut, seier dagleg leiar og medeigar Daniel Storeide til NETT NO.
| Christian Gaard Bygdetun as | ||
| Tal i mill. kroner | 2022 | 2021 |
| Driftsinntekt | 16,2 | 12,0 |
| Driftsresultat | 0,9 | 1,7 |
| Resultat før skatt | 0,5 | 1,6 |
Fire båtar
Nett no har Christian Gaard Bygdetun tre skyssbåtar i drift, etter ei grunnstøyting og havari for den fjerde i august.
Selskapet har hatt kommunalt skyssbåtoppdrag på Hjørundfjordeb, men miste den komande anbodsperiode til ein konkurrent. Selskapet klaga den avgjerda til klagenemnda for offentlege anskaffelsar og ei avgjerd er venta i løpet av kort tid, ifølgje Storeide.
I turistsesongen blir båtane brukt på Nordvestlandet, medan ein - Sylvkallen - har vore utleigd til kvalsafari med base i Tromsø i tre vintrar.
Tre eigarar
Christian Gaard Gjestetun har tre eigarar, søskena Daniel Storeide (55 prosent) og Lenita Beate Storeide (35 prosent) - og Hallgeir Skorpen (10 prosent).
Skorpen har vore med på satsinga på Trandal heilt frå far til Daniel og Lenita, Frank Storeide, starta å bygge opp familiegarden til det reisemålet og reiselivsbedrifta Christian Gard Bygdetun er i dag.
Publisert: 28.09.2023 05:00
Sist oppdatert: 28.09.2023 08:08
