Offensiv satsing på Ellingsøya

- Det handlar ikkje berre om å halde seg flytande i dei vanskelege tidene, men å vere eit steg foran når kurva snur, seier dagleg leiar Jacob Høyberg.
Bedrifta tek no i bruk 3.000 kvadratmeter nye lokale. Høyberg legg ikkje skjul på at satsinga kan bety vinn eller forsvinn.
- Klippfisknæringa har overlevd i fleire hundre år, og vi trur den kan fortsette å vekse.
- Men det betyr også at myndigheitene må leggje til rette for at vi kan fortsette å produsere i Norge, seier Høyberg.

Betre kvalitet

Dei tilsette flytta over i dei nye lokala denne veka. Der er det også nytt produksjonsutstyr.
- Målet er å heve kvaliteten på produktet, gjere produksjonen meir effektiv og ikkje minst gi dei tilsette betre arbeidsforhold.
Familiebedifta vart starta i 1937, og kan dermed feire 80-årsjubileum neste år.

Brasil-nedgang

I fjor omsette selskapet for 123,3 millionar kroner, og resultatet før skatt enda på 6,8 millionar kroner.
Selskapet opplyser i pressemeldinga at siste åra har vore vanskelege.
- Den økonomiske situasjonen i Brasil har endra seg, og kundane har tapt kjøpekraft.

Vanskeleg med råstoff

I tillegg er det ikkje lenger like lett å få tak i råstoffet.
- Stadig meir av råstoffet her i landet går til andre internasjonale produsentar, og det har vorte meir utfdordrande å få tak i råstoff.
Selskapet er eigd i fellesskap av Anders Harald Helsem og Jacob Bjørge Høyberg.

Les her: