Atlantic Sapphire innfelt aksjekurs august 2021 foto Atlantic Sapphire 11
FASE TO: Atlantic Sapphire har finansiert bygging av fase to av oppdrettsanlegget ved Miami i Florida, ei investering som allereie har gitt ringverknadar på Nordvestlandet. Fredag forsvann milliardverdiar på børsen då aksjekursen stupte (innfelt). Foto: Atlantic Sapphire
Nytt

Oppdrettsaksje stupte på børsen

Milliardverdiar skrella av verdien på selskapet med hovudkontor på Vestnes.

Aksjeverdien til Atlantic Sapphire stupar på Oslo børs fredag. Da handelen stengte var kursen på Oslo Børs ned over 33 prosent.

Prisen per aksje enda på 50,20 kroner som verdset selskapet til om lag 4,5 milliardar.

Selskapet blei børsnotert i mai 2018. Ved børsnotering var kursen 47 kroner per aksje. I starten av februar i år nådde aksjekursen sin førebelse topp, 148,50 kroner.

Nedturen kjem dagen etter at selskapet la fram rapporten for første halvår. Atlantic Sapphire har hovudkontor på Vestnes, men verksemda foregår i Danmark og Florida.

I mars i år døde 500 tonn laks i Atlantic Sapphire sitt landbaserte oppdrettsanlegg ved Miami i Florida. Selskapet er no nesten ferdig med ei ombygging av anlegget.

Deira vurdering er at ein konstruksjonsfeil gjorde at vassgjennomstrøyminga i anlegget blei hindra, og utløyste fiskedøden.

For å unngå liknande uhell i framtida deler Atlantic Sapphire mellom anna opp system i anlegget i to, for å redusere omfanget av eventuelle uhell i framtida. Så langt er fem av seks system i første byggetrinn i anlegget i Miami delt i to, skriv selskapet i rapporten for 1. halvår 2021.

Les børsmelding her

MMC-ordre
Atlantic Sapphire har gitt MMC First Process jobben med å levere heile systemet som transporterer fisken inn, ut og mellom kara i anlegget i Atlantic Sapphire sitt andre byggetrinn i Miami.

Byggetrinn to er tre gangar større enn første byggetrinn.

Tidlegare i sommar hente Atlantic Sapphire inn 121 millionar dollar, tilsvarande 1,1 milliardar kroner, i ny eigenkapital.

Kapitalutvidinga skal finansiere andre byggesteg på oppdrettsanlegget i Florida, investeringar mellom anna i infrastruktur for raskare vekst og generell drift.

Atlantic Sapphire ASA
1. halvår. I mill. dollar.20212020
Driftsinntekt10,92,5
Driftsresultat-49,9-23,8
Resultat før skatt-51,5-31,6

Publisert: 27.08.2021 15:58

Sist oppdatert: 27.08.2021 16:52

Mer om