OptimarStette med høg aktivitet

OptimarStette fekk i fjor ei omsetning på 321 millionar kroner og eit driftsunderskot på 33 millionar kroner. Auka avskrivningar og tidsavgrensningsposter forklarer ein del av resultatnedgongen i forhold året før (sjå tabell).
Kontantstrøm frå operasjonelle aktiviteter låg på minus 5,5 millioner kroner i fjor, det er på nivå med 2014. Store finansinntekter gjorde imidlertid at at underskotet vart redusert når det kjem til resultat før skatt.

Kjøpte Seaside i fjor

OptimarStette har hovedkontor på Valderøy, og med avdeling på Stette. I fjor sommar kjøpte også selskapet alle aksjane i Seaside frå Kjølås Stansekniver på Stranda, og som Frode Kjølås står bak. Stranda-bedrifta har gjort det godt med å levere maskinar og utstyr til oppdrettsnæringa i Norge, og er særs gode på å utvikle løysingar for bedøving og slakting av fisk.
Dermed er Seaside no eit heileigd dotterselskap av OptimarStette og tala i 2015 og 2014 kan derfor heller ikkje direkte samanlignast.

To fusjonar på eitt år

Dermed har Optimar gjort to fusjonar på eitt år. I september 2014 fusjonerte dei med Stette og blei til OptimarStette. Dei to selskapa hadde til då til dels kjempa side om side om dei same prosjekta og dei same kundane. Optimar med ombordproduksjon som spesialitet og Stette med si meir landbaserte satsing på pelagiske mottaksanlegg.
Etter oppkjøpa er OptimarStette eigd med 55,7 prosent av Optimar, 25,9 prosent av Stette Holding og 18,4 prosent av Kjølås Stansekniver. Bak Optimar står Credo med 51 prosent og Optimar Holding med 49 prosent. Største eigaren i Optimar Holding er Asbjørn Solevågseide.
Les også:
Les også:

Leiande leverandør

Selskapet sine produkt er hovudsakleg innan transportsystem, palletering og automatiske innfrysningsanlegg, samt integrerte system for produksjonsovervaking. Dei leverer både enkeltelement og komplette produksjonslinjer.
Dei er blant anna ein leiande leverandør for ombordproduksjon og landanlegg i den internasjonale marknaden, og gjennom oppkjøpet av Seaside har dei også blitt ein leiande aktør inn mot oppdrettsindustrien. Selskapet har også kundar i anna næringsmiddelindustri.

Rekordhøg ordrereserve

Styret skriv i årsmeldinga at ordrereserven ved årsskiftet var god og at ordreinngongen i første kvartal i år har vore rekordhøg. Dermed venta dei ei svært god omsetning i inneverende år. Dei ser også positivt på utviklingsmulegheitene over tid, og der satsing på ny teknologi og nye utvalde marknadsområder etterkvart vil slå positivt ut.
OptimarStette eig også 100 prosent av Optimar Fodema SA, Spania, og Optimar US Inc, USA. Begge desse driv med tilsvarande verksemd. Gruppa har over 200 tilsette, mange av desse er ingeniørar.
Les også
Les også: