Over dobla ordreingang for Vard-eigar

Det er forretningsområdet skipsbygging som står for storparten av auken i ordreinngangen i år, framgår det av halvårsrapporten til Vard-eigar Fincantieri. Forretningsområdet skipsbygging omfattar per i dag verksemda som foregår på Fincantieri sine eigne verft, som mellom anna byggjer store cruiseskip og skip til forsvaret.

Forretningsområdet offshore og spesialskip omfattar i dag verksemda til Vard sine skipsverft, i Noreg og utlandet. I første halvår vart ordreinngangen til Vard-verfta under halvparten av det den var i første halvår 2024, som det går fram av tabellen under. 

Etter halvårsskiftet har imidlertid Vard sikre seg nye oppdrag, for mellom 3,2 og 4,2 milliardar kroner.

Fincantieri er børsnotert i Italia med den italienske staten som største eigar.

Optimistisk
Tre faktorar gjer at Fincantieri er optimistisk til utviklinga for konsernet framover:
Vekst og stor etterspørsel frå cruisemarknaden.
Auka etterspørsel etter nye militære fartøy på grunn av krig og internasjonal uro.
Auka etterspørsel etter energi frå havet - både i form av olje og gass og vindkraft. 

Vil bygge fregattar
Vard har dei siste åra bygd tre store kystvaktskip til den norske kystvakta og vil konkurrer om å få bygge fleire skip for det norske forsvaret.

Målet er melllom anna å får bygge dei aller største kriggskips Noreg skal ha - nye fregattar.

Fincantieri har allereie avtale med USA om å levere fregattar til USA frå eit verft det italienske selskapet har der. Vel Noreg USA som partnar i fregattkjøpet kan same type fregatt bli bygd hos Vard i Noreg.