Etter å ha bygd opp og seld møbelselskapet IMG til Ekorneskonsernet satsa tidlegare Hjellegjerde-sjef Nils Gunnar Hjellegjerde på å skape ein ny suksess i møbelbransjen.

Innan fire-fem år skal selskapet H2 Group skal bli like stort som IMG var då IMG vart seld til Ekornes - omlag 400 millionar i driftsinntekt i året. Det er målet og forventningane, fortalde Hjellegjerde til NETT NO i fjor.

H2 Norway - som er heileigd av H2 Group - vart etablert i desember 2019. I fjor auka selskapet driftsinntektene til 50,5 millionar kroner, opp frå 22,4 millionar i 2021 (sjå tabell).

Les også

Nils Gunnar Hjellegjerde siktar mot nytt møbeleventyr

IMG-grunnleggaren sitt nye møbelselskap skal vekse seg like stort som IMG var då Ekornes kjøpte selskapet for 550 millionar kroner.

Revansj for utvandra møbel-sjef

Etter svake resultat og hard maktkamp i Hjellegjerde fekk Nils Gunnar Hjellegjerde nok, og gjekk av våren 2001. No er han attende på den norske møbelscena.

Sel til Ekornes for 400 millionar

Tidlegare Hjellegjerde-sjef Nils Gunnar Hjellegjerde har seld sitt asiatiske møbelselskap til Ekornes for rundt 400 millionar kroner. Ekornes fastslår at Stressless ikkje vert utflytta.

Kjent oppskrift
Oppskrifta for H2 Group har Hjellegjerde frå IMG: Fabrikk i Thailand, produktutvikling-, marknadsføring- og administrasjonsavdeling på Nordvestlandet (i Breivika i Ålesund) og internasjonalt sal.

Thailand-busette Hjellegjerde er største eigar i H2 Group.

Etter salet av IMG til Ekornes held han fram som IMG-leiar nokre år, og var deretter styremedlem i Ekornes. Etter at Ekornes vart seld til kinesiske Qumei Group, gjekk Hjellegjerde ut av styret i 2019.

H2 Norway as
Tal i mill. kroner	2022	2021
Driftsinntekt	50,5	22,4
Driftsresultat	3,7	0,5
Resultat før skatt	3,8	0,6

Kjeda seg som spekulant
Etter Ekornes-exiten var planen til Hjellegjerde å teste ut livet som aksjespekulant på heiltid, men det vart for kjedeleg.

– Eg har ikkje den lidenskapen for finans som for møbel, sa Hjellegjerde til NETT NO i fjor.

Hausten 2019 var karantenetida mot å starte konkurrerande verksemd over, og arbeidet med å etablere H2 Group var i gang.