Passerer 10 prosent i Rem

I romjula kjøpte Stig Remøy-selskapet Olympic Ship 25.036 aksjar i Rem Offshore ASA. Med det kjøpet passerte Stig Remøy 10 prosent eigarskap, slik at kjøpet måtte varslast i ei børsmelding.

Stig Remøy eig aksjar i Rem Offshore gjennom selskapa Olympic Ship og Olympic Nor. Etter kjøpet i romjula eig han til saman 2.045.586 aksjar, som utgjer 10,07 prosent av aksjane i selskapet.

Stor

rabatt

Målt mot den verdijusterte eigenkapitalen (ein målestokk for marknadsverdien på skipa) er aksjane i Rem Offshore kraftig rabatterte, slik Stig Remøy ser det.
- Du kjøper deg inn i ein båt og betaler 40 prosent (av marknadsverdien, red.merk), seier Stig Remøy.
Med ein ny flåte er Rem Offshore attraktivt å investere i, meiner han.
- Vi trur ikkje oljeindustriens tid er forbi, seier Remøy.

Påverknadskraft

Gjennom å eige over 10 prosent av aksjane i Rem Offshore kan Stig Remøy på eiga hand blokkere ei eventuell tvangsutløysing av minoritetsaksjonærar i selskapet.
- 10 prosent gir innflytelse, seier han.
Det er få eigarar og lite handel i Rem Offshore-aksjen, og selskapet har lenge hatt ei stryking frå notering på Oslo Børs som eit alternativ, men ein fastlåst eigarsituasjon har gjort det lite aktuelt.

Ville kjøpe

Hausten 2013 baud Åge Remøy resten av eigarane 52 kroner pr aksje i Rem Offshore, men fekk berre napp hos ei fåtal.

Tilbodet kom i samband med at islendingen Torsteinn Mar Baldvinson selde aksjane sine til Remøy, og interne endringar i eigarstrukturen. Åge Remøy eig i dag nesten 80 prosent i Rem Offshore.
Aksjane i Rem Offshore er i dag, fredag 2. januar, handla til 50 kroner pr. aksje.