Pluss i Ørsta, minus for konsernet

Selskapet, med produksjonsanlegg i Ørsta og i Vik i Sogn, fekk rekordinntekt for andre år på rad i fjor, og løsemda har ikkje vore betre sidan 2016. I år ventar selskapet at inntektene blir omlag som i 2022.

Vik Ørsta lagar mellom anna lysmaster, autovernskinner og sikringsboltar for veg- og tunnelanlegg. I fjor sysselsette selskapet tilsaman 256 årsverk.

Verknaden av koronapandemien var små i 2022 og er det og i 2023, medan krigen i Ukraina har ført til høgare råvarekostnadnar, energiprisar og redusert tilgang på nokre råvarer, ifølgje årsmeldinga.

65 millionar til konsernet
Vik Ørsta er ein del av Saferoad-konsernet, som fekk tilført 65 millionar kroner i konsernbidrag frå Vik Ørsta i fjor.

Også konsernet fekk ny rekord i driftsinntekter i fjor, men auka finanskostnadar gjorde at konsernet fekk eit minusresultat før skatt i 2022 (sjå tabell). Konsernet har anlegg og kontor i 13 europeiske land og har i alt 2500 tilsette.

Fleire eigarskifte
I 2007 blei det som då var Ørsta Gruppen slått saman med Euroskilt og Saferoad-konsernet etablert. Året etter blei Vik Verk i Sogn ein del av konsernet.

Eit investeringsfond i det svenske Nordic Capital-systemet kjøpte Saferoad i 2008. I 2017 vart konsernet børsnotert og året etter tok investeringsfond styrt av FSN Capital over som eigar.