Rekord i fjor – ligg like bra an i år

Då pandemien slo til våren 2020, venta Vik Ørsta-sjef Kjetil Nesset lågare aktivitet. Etter ein kort dupp med opptil 80 permitterte, auka oppdraga att.

No har Saferoad-selskapet levert to av sine beste år økonomisk nokon gong.

Rekordomsetning - og solid utbytte
Omsetninga i fjor på 791 millionar kroner er ny rekord og ei auke på nær 100 millionar. Overskottet på 64 millionar gjer 2021 til eitt av dei mest lønnsame åra til selskapet (sjå tabell under).

Vik Ørsta er det største norske selskapet i Saferoad-konsernet. Årsrapporten viser at eigarne tok konsernbidrag på når 45 millionar etter det gode resultatet.

Dei siste fem åra har Vik Ørsta-selskapet overført til saman 172 millionar kroner til eigarselskapet.

I årsrapporten skriv leiinga at dei ventar ei omsetninga i 2022 på same nivå som i fjor. Koronapandemien har ikkje gitt noko vesentleg effekt for bedrifta, men no merkar dei konsekvensen av krigen i Ukraina.

– Krigen som nyleg har brote ut i Ukraina har hatt effekt på høgare råvareprisar og vanskelegerare tilgjengelegheit på nokre råvarer, heiter det.

Solid økonomi
Vik Ørsta-leiinga skriv i årsrapporten at dei har tilfredsstillande likviditet og gode evner til å løfte investeringar på eiga hand. Selskapet satsar tungt på utvikling av både organisasjonen og produktane.

Eigenkapitalen i selskapet er på 169 millionar og samla gjeld på 225 millionar. Selskapet har 277 tilsette og av desse er 22 kvinner.

Vik Ørsta er 100 prosent eigd av Saferoad-konsernet, som igjen er eigd av FSN Capital. I 2018 kom investeringselskapet som forvaltar investeringsfond med eit bod på alle aksjane i Saferoad og tok -konsernet av børs.