Polyform passerte 200 millionar kroner

Polyform er store på produksjon av blåser og fenderar. Blindheim-selskapet har historie tilbake til 1955, og hadde i fjor sitt klart beste år omsetningsmessig. Rekorden blei slått med heile 25,8 millionar.

Selskapet har også levert solid på botnlinja. Resultatet før skatt enda i fjor på 24,2 millionar kroner.

Sidan 2017 har Polyform vore eigd av Ernströmgruppen i Göteborg, som for fjoråret tek ut eit utbyte på 18,8 millionar kroner.

(saka held fram etter tabellen)

Mykje norsk sal
Det svenske familieigde selskapet har kontor i ni land.

Mest sal frå Polyform går til Europa med 103,7 millionar kroner i 2022, men mykje går også til Norge med 65,4 millionar.

Selskapet opplyser at det er auka sal i alle segment; fritid, fiskeri, havbruk og energi.

Ein satsar også på flytande vind- og solkraft.

Starta året svakare
Polyform har ein samla eigenkapital på 57,1 millionar kroner, og null i langsiktig gjeld.

Ordreinngangen ved starten på 2023 var 48 prosent lavare enn ved forrige årsskifte, men styret skriv at ordreinngangen i 2023 har vore tilfredsstillande.

Polyform sysselsette i fjor 87 årsverk.