Reiarlag fekk oppsving i andre kvartal

Etter ein svak start på året tok aktiviteten seg opp i andre kvartal, skriv Golden Energy Offshore Services i rapporten for 2. kvartal.

Les børsmelding her

Offshorereiarlaget i Ålesund fekk i snitt 226.000 kroner dagen for skipa som var i drift i andre kvartal. Utnyttingsgraden for selskapet sine sju plattformforsyningsskip (PSV) var på 92 prosent, mot 82 prosent i 1. kvartal i år.

Det viser også att i rekneskapen, med både auka inntekt og lønsemd i 2. kvartal (sjå tabell under).

Opp og ned
Ved inngangen til 2024 var Golden Energy Offshore Services verdsett til 28,20 kroner aksjen. I slutten av april var kursen oppe i 37,40 kroner, før den har falle utover våren og sommaren.

Før børsopning tysdag var kursen 28,30 kroner aksjen.

Dei grunnleggende faktorane som driv opp etterspørselen etter plattformforsyningskip er framleis sterke og selskapet ventar ein framleis god marknad framover, ifølgje kvartalsrapporten.

I desember i fjor overtok Golden Energy Offshore Services det siste av fem nye skip reiarlaget kjøpte frå eit datterselskap av nederlandske Vroon Holding.

Overtakinga fullførte milliardkjøpet til Ålesund-reiarlaget.