Rekordstor ordrebok, nytt minusår
Ved utløpet av januar i år hadde Hofseth Biocare bestillingar for 25 millionar kroner, fire gangar meir enn i januar 2021.
No er det sal som har førsteprioritet, skriv selskapet sin siste kvartalsrapport, som viser korleis det gjekk i 4. kvartal og heile 2021.
Underskotet før skatt i 2021 er på 123,9 millionar kroner. Selskapet blei stifta i 2009 og gått i minus kvart år.
Hofseth Biocare ASA vidareforedlar avskjær og restråstoff frå lakseslakteri, til helsekostprodukt, ingrediensar til dyrefôr og har produkt under utvikling for legemiddelmarknaden.
Auka sal
Med unntak av 2017 - då sal av bygningar sto for mykje av inntektene - hadde Hofseth Biocare i 2021 sine høgaste driftsinntekter hittil. (sjå tabell)
Administrerande direktør og storaksjonær Roger Hofseth skriv i kvartalsrapporten at selskapet passert eit vendepunkt i 2021, og ventar vidare vekst framover.
Emisjonar i 2020
I 2020 henta Hofseth Biocare inn 245 millionar kroner i ny eigenkapital og hadde ved inngangen til 2021 ein bokført eigenkapital på 264 millionar kroner.
Etter underskotet i 2021 var den bokførte eigenkapitalen 142 millionar kroner ved inngangen til 2022.
Aksjekursen i Hofseth Biocare har falle 33 prosent i løpet av dei siste 12 månadane og 13 prosent sidan starten av 2013.
Klokka 09:07 var aksjane i Hofseth Biocare handla til 6,08 kroner, opp frå seks kroner då børsen stenge i går ettermiddag. Kursen verdset Hofseth Biocare til 2,1 milliardar kroner.
| Hofseth Biocare ASA | ||
| 4. kvartal. I mill. kroner | 2021 | 2020 |
| Driftsinntekt | 26,1 | 23,1 |
| Driftsresultat | -31,4 | -29,1 |
| Resultat før skatt | -34,6 | -31,1 |
| Hofseth Biocare ASA | ||
| Pr. 4. kvartal. I mill. kroner | 2021 | 2020 |
| Driftsinntekt | 87,6 | 69,3 |
| Driftsresultat | -116,0 | -92,0 |
| Resultat før skatt | -123,9 | -102,1 |
Publisert: 04.02.2022 08:58
Sist oppdatert: 04.02.2022 09:09