Rekordår for André Skarbø

Utbyttet skal investerast i andre selskaper og spesielt Atlantic Sapphire, skriv Skarbø i ein epost til NETT NO.
Atlantic Sapphire er eit selskap som arbeider med å etablere lakseoppdrett på land i USA, der Plantina Seafood som mangeårige samarbeidspartnar, Villa Organic-gründar Johan Emil Andreassen, er primus motor.

Passerte milliarden

Platina Seafood på Stranda passerte 1,1 milliardar kroner i driftsinntekter og fekk eit resultat før skatt på 54 millionar kroner i 2017.
Det er ein auka i driftsinntektene på nesten 400 millionar kroner frå 2016 (sjå tabell).
Både driftsinntektene og lønsemda i 2017 er den beste selskapet har hatt. Selskapet posisjonerte seg godt i høve til prisutvikling på laks i 2017 og styret er "meget fornøyd" med resultatet heiter det i årsmeldinga for 2017.
I år spår Platina Seafood mindre svingingar i lakseprisen enn i 2017 og 2016, og også større press på marginane.

Kraftig vekst

André Skarbø kjøpte ut Norsk Sjømat og vart eineeigar av Platina Seafood i 2011.
Då hadde selskapet 75 millionar kroner i driftsinntekter, i fjor passerte Platina Seafood altså 1,1 milliard.
Først etter 2015 tok Skarbø ut utbytte, to millionar kroner etter 2015, fire millionar etter 2016 og no 12 millionar etter 2017.
Selskapet vart etablert som Norsk Sjømat Trading i 2005, og var deleigd av Norsk Sjømat.

Oppdrett og foredling

Platina Seafood er først og fremst eit eksportselskap, men sit og med mindre postar i foredlingsindustri og oppdrett.
I følgje databasen Bizweb eig Platina Seafood 6,08 prosent i foredlingsselskapet Hofseth International og 1,39 prosent i Atlantic Sapphire,