Rekrutterer med julekontor

For tredje år på rad kombinerer Næringsforeningen Ålesundregionen tilbod om kontorplass i Pir-bygget i Ålesund sentrum, med korte innlegg og programinnslag onsdag 20. og torsdag 21. desember.

Arrangementet er eit rekrutteringstiltak der både folk heime på juleferie og fastbuande kan møtes.

Erlend Låstad frå Converto skal fortelle om rekruttering og behov for arbeidskraft i regionen og bransjegrupper i Næringsforeningen skal presentere seg. Også Bypatriot-grunnleggar Trine Klemetsen og medgrunnleggar i Rebellhuset, Emil Sæter, skal snakke om attraktiviteten til Ålesund.

Les heile programmet her (ekstern lenke)

To arrangement i Molde
Molde Næringsforum står bak to rekrutteringsarrangement i jula.

Det mest tradisjonsrike er Romjulstreffet onsdag 27. desember. Det er ei årleg jobbmesse, som har vore arrangert sidan 2007 - og årleg samlar 300-500 personar i Molde Rådhus. Bedriftene som stiller på årets arrangement finn du i slutten av saka.

Årets nyskaping frå Molde Næringsforum er ei avtale om gratis kontorplass hos fleire kontorfellesskap, som ber inn einskildpersonar og mindre bedrifter.

Samarbeid med fleire
Dei første kontorfelleskapa opna dørane for gratisbrukararar på heimtur allereie frå første veka i desember. Nokre held tilbodet ope til og med ut andre veka i det nye året.

I Molde er fire slike kontorfellesskap med på tilbodet. I tillegg er kontorfellesskap i Vestnes og Elnesvågen med.

Les meir om tilbodet her (ekstern lenke)