Rostein kjøper ny båt

I 2020 fekk Larsnes Mek. Verksted oppdraget med å bygge ein brønnbåt - Orka Yka - til det chilenske selskapet Naviera Orca Chile.

Det er eit søsterskip til to brønnbåtar - Ro Sailor og Ro Spirit - som brønnbåtreiarlaget Rostein då hadde under bygging på verftet.

No har reiarlaget kjøpt Orca Yca, fortel selskapet på Linkedin.

Når båten er ferdig med nokre mindre tilpasningar på Larsnes skal den på oppdrag i Nord-Noreg, no under namnet Ro Sunrise og blir fartøy nummer 20 i Rosteinflåten. Ro Sunrise har ein lastekapasistet på 2800 kubikkmeter.

Varmt i sjøen
Sommaren 2024 var prega av uvanleg høg sjøtemperatur i Nord-Noreg. Det gjorde mellom anna luseproblema meir utfordrande enn oppdrettarane i Nord- Noreg har vore van med, og dei har ønskt å auke brønnbåtkapasiteten for å kunne vere betre rusta for å handtere slike situasjonar. 

Det er bakgrunnen for den auke etterspørselen etter brønnbåtar, som er forklaringa på at Rostein har vald å nytte høvet til å kjøpe båten, ifølgje viseadministrerande direktør Glem Bradley. 

Om reiarlaget i staden skulle velje å bygge nytt vil det realistisk ta to år år få nybygget levert. Dessutan kjenner reiarlaget både båt og verft godt, seier han.  Rostein er majoritetseigar i verftet og har vore ein stor kunde i fleire år.

Dobla pris
Til nettavisa Intrafish, som, skreiv om båtkjøpet først, seier Bradley at prisen var "ikkje billeg og at prisauken reflekter ein prisauke i nybyggingsmarknaden. 

I fjor bestilt Rostein ein ny brønnbåt med eit lastevolum på 3700 kubikkmeter. Den skal leverast sommaren 2026 og kostar nærare ein milliard kroner. Det er omlag ei dobling i prisn sidan 2021, då Rostein førre gang bestilte eit nybygg. 

Då Ro Sailor blei bestilt anslo Nett No at den kosta 350-400 millionar kroner.