Set av kvart milliard etter nytt toppår

Brønnbåtreiarlaget Rostein har levert 2023-rekneskapen som viser eit nytt toppår både når det gjeld omsetning og overskot.

Det viser også at eigarane tek 250 millionar kroner i utbytte.

Ny rekordomsetning
Inntektene for reiarlaget enda på nesten 1,5 milliardar i 2023 - opp kring 100 millionar samanlikna med året før. Også overskotet frå drifta auka i fjor (sjå tabell under).

Då viseadministrerande direktør Glen Bradley kommenterte 2022-resultatet i fjor, venta han at marginane ville bli sett under meir press framover.

Det fekk han rett i når det gjeld resultat før skatt. Det er litt lågare enn i 2023 enn året før for brønnbåtselskapet.

Sett av 250 millionar
Ein driftsmargin på 14 prosent, er det likevel ei lønnsemd mange bedriftsleiarar berre kan drøyme om. Etter det som er nok eit solid resultat for reiarlaget, blir det sett av 250 millionar kroner i utbytte frå brønnbåtreiarlaget.

Rekneskapen frå morselskapet Rofisk er ikkje klart enno, så det er ikkje klart om utbyttet faktisk er teke ut. Etter 2022 og 2021 blei det teke utbytte på kring 66 millionar.

Samle eigenkapital for Rostein-selskapet var på 1,85 milliardar ved utløpet av 2023, og den langsiktige gjelda var på nær 2,3 milliardar kroner.

Lakseskatten stoppa byggjebølgja
Framover ventar Rostein-reiarlaget berre avgrensa vekst i laksenæringa, ifølge årsmeldinga.

Dei ser at det er lågare investeringar i brønnbåtbransjen. Det skjer både som følgje av usikkerheit kring reiarskatt, men også grunna kostnadspress og fleire år med bygging av mange ny skip.

Etter at lakseskatten kom på bordet, stoppa byggjebølgja opp.

Styret påpeikar at innføringa av grunnrenteskatt på næringa utgjer ein grunnleggande endring i dei økonomiske rammevilkåra for kundane, og på sikt kan føre til lågare produksjonsvekst – og mindre etterspørsel etter nye brønnbåtar.

Dei reknar likevel med at behovet for fornying i flåten, vil føre til noko vekst, heiter det i årsmeldinga.