Russland-effekt også i fjor for Fiskerstrand Verft

Etter Russland starta krigen mot Ukraina i 2022, avvikla Fiskerstrand Verft all verksemd mot den russiske marknaden. Inntil då var reparasjonar og vedlikehald av russiske fartøy ei viktig inntektskjelde for verftet. Men med krigen var det slutt.

Det slo negativt ut i 2022-rekneskapen, og også i starten av 2023 medverka bortfallet av den russiske marknaden til at verftet hadde mindre å gjere.

Ut over våren fekk verftet fleire oppdrag. Tre større ombyggingoppdrag sikra ei akseptabel grunnbelastning skriv selskapet i årsmeldinga for 2023. I alt kom 69 skip til verftet for reparasjon eller ombygging.

Oppsving
Fiskerstrand Verft har spesialisert seg på reparasjon, ombygging og vedlikehald.

Verftet ventar fleire ombyggingsoppdrag i andre halvår i år.

Selskapet sysselsette 119 årsverk i fjor.

Familieigd
Fiskerstrand Verft er eigd av Fiskerstrand Holding.

Medlemer av Fiskerstrand-familien er eigarar gjennom fire ulike selskap, med like stor eigarandel kvar.