Samlar fiskerinæringa i Midsund

Torsdag vert fiskerikonferansen Havblikk 2019 som tek for seg ei rekkje tema innan fiskeri. Økonomiprofessor Ola H. Grytten er ordstyrar og skal halde innlegg om ressursrente og endra rammevilkår for næringa.
Tidlegare har professoren frå Norges Handelshøyskole til at det er grunnlag for å innføre sokalla ressursrente. Han meiner det ikkje er grunn ti å sjå annleis på saka no.
– Eg konkluderer med at det ikkje er noko ressursrente å hente, slik lønnsemda i fiskeri er i dag. I akvakultur er det meir grunnlag fordi ein her går med overskott. Samstundes er grunnlaget for ein slik skattlegging på havbruk mindre reint prinsipielt, fordi ein aler opp fisken sjølv, seier Grytten til NETT NO.
Les meir:
Grytten:

Fiskarane negative

Fiskeflåten har vore negative til ein slik skattlegging og Grytten meiner næringa har gode argument per i dag.
– Så lenge strukturen i flåten er som nå, meiner det eg fiskeriet har gode argument. Om ein effektiviserer kraftig med langt større eigarar enn i dag, kan det vere eit større grunnlag for å innføre ressursrente, seier Grytten.
Han held ope eit alternativ som ein kan tolke ut frå departementet si framstilling, om ein variant med skattlegging av kvoteomsetning.
– Så lenge kvotene er vorte så dyre, skjønar eg at styresmaktene vil sjå på det, men det er ikkje gjort nok for å undersøke verknadene. Det kan vere andre skeivheiter som gjer kvotene så dyre, påpeiker han.

Generasjonsskifte i fiskeriet

Banksjef Rune Debess frå Sparebanken Møre skal snakke om generasjonsskifte i fiskeri og kva banken har opplevd når familiar står framfor generasjonsskifte.
– Kva er viktigast av kontantstraum eller kvoteverdi når banken skal finansiere industrien, spørjast det i programmet.
Noko av utfordringa er at den som overtek ikkje endar som gjeldsslave og å unngå at familiereiarlag hamnar i strid i domstolane.

Skipperen si rolle

I tillegg til at ein tek for seg rammevilkåra til fiskeriet i vid forstand, mellom anna med innlegg frå Audun Maråk frå Fiskebåt, skal ein sjå nærare på bestandsutviklinga både i aust og i norsk sone.
Skipperane Pål Roaldsnes i Nordic Wilfish og Geir Zoega på Polar Strand skal snakke om kva rolle skjønnet til skipperen har fått i dagens fiskeri.
«Ligg skipperskjønnet i dvale som ein konsekvens av god inntening» og «Er fiskaren for beskjeden til å bidra med kunnskapen sin inn mot forskinga», er andre spørsmål dei skal snakke om.
Panelldebatt, bærekraftig fiske og konflikt som følgje av mangel på kunnskap og kommunikasjon er andre punkt for dagen.
Les meir:
Grytten:

(ekstern lenke)