Satsar på Spilka-avtale

Norwegian Group (NOG) i Volda er stor på arbeid som krev stillas og/eller tilkomsteknikk basert på klatring. I dag har selskapa i konsernet omlag 250 tilsette, og no skal eit nytt datterselskap gi ytterlegare vekst.

Norwegian Group i ferd med å inngå ein rammeavtale med Spilka Building Solutions om å montere Spilka Building Solutions sine nye løysingar for ytterveggar. Det stadfestar begge selskapa.

NOG er allereie i gang med arbeidet på det første oppdraget til Spilka Building Solutions, Rørstadmarka skule i Sula.

Store forventningar
Både Spilka Building Solutions og Norwegian Group har store forventingar til at den nye veggløysinga skal gi mange oppdrag.

Innan utløpet av 2023 ventar hovudaksjonær og forretningutviklar Kay Ove Johansen i Norwegian Group at NOG Entreprenør - som skal utføre oppdraga i samarbeid med Spilka Building Solutions.

I dag er selskapet kring 20 tilsette - og innan utløpet av neste år reknar dei å vere mellom 50 og 60 tilsette i alt. Det er snakk om både montørar (i hovudsak tømrarar) og ingeniørar.

NOG Entrepernør skal leiast av Torbjørn Vartdal, som også skal bli medeigar i datterselskapet.

(saka held fram under)

Tok over Aak
I fjor kjøpte NOG selskapet Aak på Åndalsnes frå Endúr.

Aak var ein pioner i bruk av klatreteknikk til arbeidsoperasjonar på stadar der det er dyrt og vanskeleg å bygge stillas, som på oljeinstallasjonar til havs.

Johansen eig Norwegian Group saman med Lasse Gravdal og Morten Borøchstein. Gravdal er avdelingsleiar for offshoremarknaden, Borøchstein dagleg leiar.

Hovudselskapet i konsernet, NOG Access hadde 79 millionar kroner i driftsinntekter og 5,4 millionar kroner i resultat før skatt i 2020.