Siktar mot balanse
Etter to år med store underskot, er målet balanse for teknologiselskapet Whereby i Måløy.
Etterspørselen etter videokonferanse-teneste gikk rett til vers då koronapandemien kom og smittevernrestriksjonar tvinga folk til å møtes på nettet.
Whereby - tidlegare Videonor - i Måløy gav gass og auka både staben og utviklingsarbeidet. Det kosta.
Inntektene steig frå 29 millionar kroner i 2019 til 88 millionar kroner i 2021, men kostnadane auka enda meir.
I 2020 hadde selskapet sitt høgaste resultat før skatt sidan starten, 12,2 millionar kroner, men i 2021 og 2021 vart det til saman eit underskott på 137 millionar (sjå tabell).
No jobbar konsernet mot balansen i 2023, står det i årsmeldinga for 2022.
Telenor størst
Whereby spring ut av teknologi-miljøet i Måløy og har framleis fleire lokale investorar på eigarsida.
Telenor-selskapet Telenor Communication II er største aksjonær, med 23,915 prosent av aksjane. Nest størst er investeringsselskapet Point Nine Capital Fund V Gmbh & Co Kg med 21,294 prosent eigarandel.
Gunnar Carlson og familien eig 11,861 prosent gjennom selskapa Støa og Brothers, og er tredje største eigar i Whereby.
| Whereby as | ||
| Tal i mill. kroner | 2022 | 2021 |
| Driftsinntekt | 76,9 | 88,4 |
| Driftsresultat | -47,1 | -90,3 |
| Resultat før skatt | -49,3 | -90,4 |
| Whereby as (konsern) | ||
| Tal i mill. kroner | 2022 | 2021 |
| Driftsinntekt | 74,0 | 90,2 |
| Driftsresultat | -51,1 | -86,5 |
| Resultat før skatt | -50,9 | -86,1 |
Færre tilsette
I fjor fall driftsinntektene til Whereby-konsernet med 18 prosent.
Konsernet har redusert staben, frå 60 årsverk i 2021 til 47 i 2022.
I årsmeldinga, som er datert 19. juni i år, skriv selskapet at "Whereby står for øyeblikket overfor en utfordring med likviditeten."
NETT NO har ikkje lukkast å få kontakt med dagleg leiar Øyvind Reed.
Publisert: 09.08.2023 09:15
Sist oppdatert: 09.08.2023 12:55