Sjukdom svekka resultatet for Mowi i region midt

Region midt strekker seg frå Sogn i sør til Osen kommune i nord, og har fabrikkar på Eggesbønes i Herøy og Ulvan på Hitra.
I denne regionen gjekk det operasjonelle driftsresultatet per kilo slakta fisk kraftig ned i første kvartal samanlikna med første kvartal i fjor.
Totalt sat Mowi att med 1,71 Euro per kilo slakta fisk i regionen, mot 2,31 Euro i same kvartal i fjor.
I region sør var snittet 2,21 Euro per kilo, og i nord 2,47 Euro.

Svekka resultat i midt

Totalt enda det operasjonelle driftsresultatet i region midt på 43,5 millionar Euro i kvartalet, mot 60,8 millionar Euro i same kvartal i fjor.
Slaktevolumet var på 25.381 tonn, ned frå 26.194 tonn.
Mowi skriv i kvartalsrapporten at det var høge biologiske kostnader som var årsak til det svekka resultatet.

Sjukdomsplager

Blant anna hadde ein her høge behandlingskostnader og tidleg slakting i samband med utbrot av pankreassjukdom i eit anlegg nord for Hustadvika.
Derimot var problemet med lakselus på nivå med fjoråret, men Mowi opplyser at på slutten av kvartalet var det ein auke med lakselus.
I region midt har ein også hatt utfordringar med CMS (hjartesprekk, red merk).

Sterkt kosnernresultat

Totalt hadde Mowi hadde eit operasjonelt driftsresultat på 196 millionar euro i første kvartal i år, tilsvarande over 1,9 milliardar norske kroner.
I første kvartal i fjor var det operasjonelle driftsresultatet på 158 millionar euro.
– Etterspørselen etter produkta våre held fram å vere god. Det har gitt høge prisar i alle marknader. Kombinert med rekordhøge volum og god drift har dette bidratt til gode resultat for konsernet, seier konsernsjef Alf-Helge Aarskog i Mowi.
Selskapet hadde driftsinntekter og andre inntekter på 979 millionar euro i første kvartal, opp frå 862 millionar i første kvartal 2018.
Det totale slaktevolumet i første kvartal enda på 104.118 tonn, samanlikna med 81.212 tonn i første kvartal i fjor. Forventa slaktevolum for 2019 er framleis 430.000 tonn, opplyser selskapet.

Lavt snitt i Chile og Canada

Selskapet opplyser at gjennomsnittleg pris per kilo slakta fisk var 2.07 Euro i Norge. Høgast snitt fekk ein derimot i Irland med 4,38 Euro, føre Skotland med 2,27 Euro.
Lavast snitt Hadde Canada med 1,41 Euro føre Chile med 1,47 Euro.
224.100 tonn av det eksporterte volumet på 540.700 tonn gjekk til EU.Her var det sterk vekst i Kina/Hong Kong, og tilsvarande nedgang i Russland.
Mowi satsar no stort i Polen med nye produkt.
Mowis styre har vedtatt å betale ut eit utbytte på 2,60 kroner per aksje i første kvartal.