Sub Solar frå Inseanergy foto Inseanergy
SOLCELLE: Solcelleanlegg på utrangerte flyteringar frå oppdrettsanlegg skal brukast til straumproduksjon. Det er ideen til Inseanergy. Foto: Inseanergy
Nytt

Skal utvikle utsleppsfritt oppdrett

Samarbeidsavtale mellom Inseanergy og Gadus Group.

23.12.2021

Torskeoppdrettselskapet Gadus Group og miljøteknologiselskapet Inseanergy har inngått ein intensjonsavtale om eit samarbeid for å utvikle ei energiforsyning til Gadus Group som reduserer dieselforbruk og CO2-utslepp.

Gadus Group driv torskeoppdrett på Nordvestlandet.

Ideen til Inseanergy er å bruke utrangerte flyteringar frå oppdrettsanlegg til å bygge flytande solcelleanlegg. Neste steg er å ta i bruk hydrogen laga ved å spalte vatn i hydrogen og oksygen med elektrolyse, med straum frå vass- eller vindkraft. Hydrogenet kan brukast i brenselcelle på oppdrettsanlegg og forsyne anlegget med straum i kombinasjon med solcelleanlegget, og heilt eller delvis erstatte straum frå dieselaggregat.

Like etter årsskiftet startar Inseanergy ein kampanje gjennom selskapet Folkeinvest for å hente inn inntil 30 millionar kroner i ny eigenkapital.

Publisert: 23.12.2021 09:06

Sist oppdatert: 23.12.2021 09:06