Slit med kontainermangel
Mangel på tilgjengelege kontainerar har ført til utfordringar for Global Sales under pandemien.
Dette skriv selskapet i årsrapporten for 2020. Der går det fram at ein har hatt problem med logistikken på grunn av kontainermangelen.
Trass i problema, auka selskapet salet frå 827,1 millionar kroner i 2019 til 1284,5 millionar kroner i 2020.
Derimot vart resultatet før skatt redusert frå 4,3 millionar i 2019 til 2,7 millionar i fjor.
(Saka held fram etter tabellen)
| Global Sales | |||
| Årsresultat (i mill kr) | 2020 | 2019 | |
| Driftsinntekter | 1284,5 | 827,1 | |
| Driftsresultat | 2,1 | 4,5 | |
| Resultat før skatt | 2,7 | 4,3 | |
Styrt frå Ålesund
Global Sales har sju tilsette, med hovudkontor i Ålesund og avdelingskontor i Tromsø.
Selskapet er ein del av Nergård-systemet der Lofoten Viking eig 40 prosent, Global Fish Holding 38 prosent, Nergård Seafood 14 prosent og Nano ved Alexander Langø 8 prosent.
Global Sales sel pelagisk fisk for Nergård Sild, Lofoten Viking og Global Fish, pluss kvitfisk og biprodukt frå Lofoten Viking.
Selskapet hadde stor vekst i salet til Europa i 2020, og Europa stod for 737 millionar kroner av omsetninga.
Asia gjekk litt ned til 363 millionar, medan Afrika kom inn med 117 millionar kroner.
Publisert: 14.06.2021 05:57
Sist oppdatert: 14.06.2021 06:11