Sprøytar nye millionar inn i biogass

I dei ferske årsrekneskapa til fleire av biogass-selskapa til Havila-konsernet, går det fram at det er gått inn med minst 18 millionar i ny kapital. 

Nett No omtala Havila Biosgass-satsinga til Herøy-konsernet i fjor. Då var dei i gong ved anlegget på Nesset - og klar for bygging i Hustadvika.

No er dei kome steget vidare og tilført ny aksjekapital på seks millionar kroner i kvar av dei tre selskapa:  Havila Biogass Haugalandet, Havila Biogass Trøndelag og Havila Biogass Innlandet, ifølgje årsmeldingane. 

Den nye kapitalen blei registrert i januar i år.

Framleis på prosjekteringsstadiet
Pengane skal nyttast til å etablere tre nye biogassanlegg i desse regionane. 

Styreleiar Vegard Sævik i Havila Biogass-selskapa opplyser til Nett No at dei framleis er på prosjekteringsstadiet. 

Konsernet har også oppretta Havila Biogass Ryfylke og Havila Biogass Jæren, med planar om å bygge anlegg her. Desse selskapa har ikkje ha fått tilført ny kapital, ifølgje 2025-rekneskapa deira. 

Råka av stort utslepp
Ved Havila Biogass sitt anlegg i Nesset skjedde det eit stort gjødselutslepp i fjor haust, der fleire millionar liter rann ut i terrenget. 

Politiet etterforska utsleppet, som også førte til motstand lokalt mot etableringa av eit nytt anlegg på Hjelmeland i Ryfylke.

Havila Holding er medeigar i Bakkar og Berg Media, som gir ut Nett No.