Tregare i møbelbutikkane

Frå 2020 til 2021 auka møbelhandlarane på Nordvestlandet inntektene med over 10 prosent. Resultatmarginen, som er resultatet før skatt i prosent av driftsinntektene, steig frå 9,1 i 2020 til 10,6 prosent i 2021.

Reiserestriksjonar på grunn av kornoapandemien medverka til at både 2020 og 2021 blei gode år for møbelbransjen, medrekna butikkane. Når folk brukte mindre pengar på ferie- og fritidsreiser brukte dei pengar på oppussing og nye møblar i staden.

Omslag i februar
- No ligg vi ganske langt bak fjoråret, seier dagleg leiar og medeigar Åge Olsen i Olsen Møbler om korleis det har gått hittil i år. Han eig og driv Fagmøbler-butikken i Molde.

Omslaget kom i februrar i år, ifølgje Olsen.

10 prosent opp
Merete Sørensen og Dag Tore Hagen er medeigarar i og driv Møbleringenbutikken Møbelhuset Ørsta i Hovdebygda. Den er den einaste av dei fire butikkane som auka driftsinntektene frå 2021 til 2022.

Også i år er det vekst, opp omlag 10 prosent i driftsinntekter, ifølgje Dag Tore Hagen. Han reknar imidlertid med redusert lønsemd på grunn av auka kostnadar.

Hagen og Sørensen eig Møbelhuset Ørsta saman med Øyehol-familien i Ulsteinvik. Øyeholfamilien eig og Øyehol Varehus, som driv Møbelringenbutikk i Ulsteinvik.

Sandane Møbel er også Møbelringenbutikk, eigd 51 prosent av Førde Varehus og Frode og Verner Holvik, med 25,5 prosent kvar.