Desse kan vinne NM for ungdomsbedrifter

Måndag startar det omfattande juryarbeidet i NM for ungdomsbedrifter, der vinnarane skal kårast 29. april.

Og konkurransen er knallhard, der 170 bedrifter konkurrerer om 14 ulike prisar.

Viktig kompetanse
Totalt har 11.000 elevar frå heile landet vore med på å skape sine eigne arbeidsplassar. Administrerande direktør Grete Ingeborg Nykkelmo i Ungt Entreprenørskap Norge er imponert.

– Det siste året har vore krevjande for alle, men kanskje aller mest for dei unge. Derfor er vi utruleg imponert over at over 11.000 elevar i videregående skule, saman med sine lærarar, har vald å etablere ungdomsbedrift dette skuleåret.

- Dei har køyrd kreative prosessar, vald forretningskonsept, bygd nettverk, utvikla produkt – og seld desse i den opne marknaden, trass i restriksjonar både på aktivitet og fysiske møteplassar. Dei unge ser mulegheiter og gjer noko med dei, og det er nettopp slik kompetanse vi treng i Norge i framtida, seier Nykkelmo i ei pressemelding.

Brubyggjar
Ungt Entreprenørskap fungerer som ein brubyggjar mellom skule og arbeidsliv, og totalt er det seks ungdomsbedrifter frå Nordvestlandet med i finalerunden. I tillegg er bedriftene Involve og Marival frå Romsdal vidaregåande skule med i finalen frå Møre og Romsdal.

Stranda vidaregåande skule er representert med både Spicy salsa og Ung velger, medan Heat representerer Spjelkavik vidaregåande og Studentbobla Sykkylven vidaregåande skule.

Frå Nordfjord er Handygjengen frå Eid vidaregåande og Greener Paint frå Stryn vidaregåande skule, med i finalen.

Her kan du lese meir om desse bedriftene:

Handygjengen

Greener Paint

Heat

Spicy salsa

Ung velger

Studentbobla

Involve

Marival