Valde sjef frå eigne rekkjer

Finansdirektør Trond Håkon Schaug-Pettersen blei konstituert som toppsjef i oktober i fjor, medan styret arbeidde med å finne ein ny leiar etter at Håkon André Berg trekte seg.

No har styret avgjort at det er Schaug-Pettersen som får leiarjobben.

- Styret er nøgd med at ein intern kandidat tek over leiarskapet, seier styreleiar Tore Tønseth i ei børsmelding.

Les børsmeldinga her

Schaug-Pettersen byrja som finansdirektør i Salmon Evolution i januar 2021 og har hatt både finansdirektør- og toppsjefsjobben sidan Berg gjekk av.

No er også ny finansdirektør på plass, Trond Vadset Veibust.

Vadset Veibust kjem frå Ekornes-konsernet, der han har arbeidd i åtte år, dei tre siste i toppleiinga.

Salmon Evolution driv landbasert lakseoppdrett i Indre Harøy i Romsdal. Selskapet slakta sin første laks i fjerde kvartal i fjor.

Det andre utsettet av smolt hos Salmon Evolution er no oppe i i ei gjennomsnittsvekt på 1,85 kilo og skal slaktast i andre kvartal i år, ifølgje ei oppdatering frå Salmon Evolution 4. januar i år.