Vurderer renteauke

I morgon samlast priskomiteen i Sparebank 1 Søre Sunnmøre for å mellom anna diskutere nivået på bustadlån.
Tidlegare har både DNB og Nordea varsla at dei set opp renta på bustadlån. I dag kom Sparebanken Vest med sitt varsel, og i morgon kan Sparebank 1 Søre Sunnmøre kome til å gjere det same.
- At vi har sett botnnivået for bustadrenta for denne gang det trur eg nok, seier Brautaset.

Ser på konkurrentane

Om renteauken blir vedtatt i morgon er han ikkje sikkert på, men at den kjem er sikkert.
Det har blitt dyrare for bankane å låne inn pengar, og det gjer at dei må sette opp rente. Dilemmaet er korleis kundane vil reagere dersom konkurrentane ikkje gjer det same.
- Vi ønskjer å vere konkurransedyktige, seier Brautaset.
Det tala for å vente å sjå, første og fremst på Sparebanken Møre, som er den viktigaste konkurrenten i bustadmarknaden i Sparebank 1 Søre Sunnmøre sitt område.
Brautaset sitert DNB-sjef Rune Bjerke på at dagens rentenivå er for lavt.
- Eg er samd i at normalt sett burde prisen på bustadlån vere noko høgare enn i dag, seier Brautaset.

Betre drift

Tidlegare i dag godkjente styret reknskapen for tredje kvartal.
Banken har auka rentenettoen, aukar utlåna i personkundemarknaden og fryktar ikkje store tap på grunn av oljenedturen.